LOLO COÑECE GALICIA: TRABALLOS E EXPOSICIÓN

Remata o colexio e neste video podedes ver algúns dos traballos que se realizaron : murais con distintas fotos, mapas, postais , guías .... e tamén a exposición de construccións , monumentos, e outros obxectos feitos con material de refugallo todo elo relacionado co proxecto que se traballou durante todo o curso escolar " Lolo coñece Galicia".

EXPOSICIÓN GALICIA

Lembrade que ata o venres 21 de xuño podedes visitar a exposición "Galicia" realizada polo alumnado e familias do Quiroga con material de refugallo no Centro Sociocutural de Conxo.

Do 21 de xuño e ata o 28 do mesmo mes podedes pasar a recoller os vosos traballos.

Queremos aproveitar para agradecer ás familias a colaboración prestada e ao Centro Sociocultural de Conxo a cesión das instalacións para a exposición.

XORNALISTAS DE CONXO

A continuación podedes escoitar as sesións de radio realizadas no noso Centro por alumnado de 5º e 6º de primaria que forma parte do Programa de Radio Cominitaria do Barrio de Conxo promovido polo Concello de Santiago.

Os nosos agradecementos a Ramón Molina, coordinador do proxecto, por contar con nós e a todo o equipo técnico polo seu traballo. Sin todos eles non sería posible crear este podcast.

SEMANA DAS LETRAS GALEGAS 2019

 Este ano para festexar as LETRAS GALEGAS propúsoxe a seguinte actividade de centro: a cada grupo deúselle unha bolsa de tea, na que tiñan que escribir algún poema ou texto de Antón Fraguas Fraguas. Logo de rematadas penduráronse no corredor da biblioteca. 

Tamén fixéronse diversas actividades de aula impresas e interactivas sobre o autor homenaxeado.

II SEMANA CULTURAL

VISITA DE PITUSA CABANILLAS

Pitusa Cabanillas, neta de Ramón Cabanillas e avoa e tía-avoa de dúas alumnas do Centro, veu a contarnos como foi a vida do seu avó, o ilustre "Poeta de Raza".

GRAZAS PITUSA!!!!

II SEMANA CULTURAL

Cómo lembraredes o curso pasado, dentro dos actos de conmemoración do 50 Aniversario, celebramos unha Semana Cultural. Este curso queremos repetir a experiencia dada a boa acollida da iniciativa.

A II SEMANA CULTURAL, comenzarémola a próxima semana do xeito que sigue:

- Luns, 13 de Maio:  Carreira Solidaria, os fondos que se recauden irán a parar a:ASANOG (Asosciación de ayuda a niños oncológicos de Galicia). A aportación é totalmente solidaria e na carreira participará todo o alumnado do centro que o desexe, colabore ou non económicamente.

-Martes, 14 de Maio: elaboración dos Maios, dentro do proxecto sobre o patrimonio que estamos a levar a cabo este curso.

-Mércores 15 de Maio: Concerto do grupo "Migallas"

-Xoves, 16 de Maio: Xogos tradicionais.